Практычныя заданні
для выпускнога экзамену
па вучэбным прадмеце “Гісторыі Беларусі”
па завяршэнні навучання і выхавання
на III ступені агульнай сярэдняй адукацыі
ЗАДАННЕ ДА 1-ГА БІЛЕТА
Адлюстраванне падзей гісторыі Беларусі ў творах беларускай літаратуры
Характарыстыка гістарычнай тэматыкі ў апавяданні Янкі Брыля “Mementomori”
ЗАДАННЕ ДА 2-ГА БІЛЕТА
Аналіз зместу гістарычнага дакумента.
Вызначэнне гістарычнага часу і ўмоў стварэння дакумента, пазіцыі яго складальнікаў праз азнаямленне з вытрымкай з пастановы Люблінскага сойма
«Таму што каралеўства Польскае і Вялікае Княства Літоўскае ўяўляюць сабою ўжо адзінае непадзельнае цэлае, а таксама не асобныя, але агульную Рэч Паспалітую, якая аб’ядналася і злілася ў адзіны народ з дзвюх дзяржаў і народаў, то неабходна, каб гэтымі двума народамі на вечныя часы кіраваў адзіны глава, адзіны гасудар, адзіны агульны кароль, які выбраны агульнымі галасамі Польшчы і Літвы. ...Выбраннік пры выбранні і каранаванні павінен быць у адначассе абвешчаны каралём польскім і вялікім князем літоўскім...
Абодва народы будуць мець заўсёды соймы і сенаты агульныя каронныя ў прысутнасці свайго гасудара...
Як паляк у Літве, так ліцвін у Польшчы вольны набываць сумленным чынам маёнткі і валодаць імі на падставе правоў той краіны, дзе гэтыя маёнткі знаходзяцца...»
ЗАДАННЕ ДА 3-ГА БІЛЕТА
Суаднясенне падзей гісторыі Беларусі і сусветнай гісторыі
Правядзенне аграрнай рэформы П.А.Сталыпіна на расійскіх і беларускіх землях з выдзяленнем агульнага і асаблівасцей
ЗАДАННЕ ДА 4-ГА БІЛЕТА
Характарыстыка сацыяльна-эканамічнага (знешнепалітычнага) становішча Беларусі з апорай на гістарычную карту.
Ахарактарызаваць геапалітычнае становішча Беларусі,якое склалася ў выніку падзей восені 1939 г., з апорай на гістарычную карту.
ЗАДАННЕ ДА 5-ГА БІЛЕТА
Параўнальная характарыстыка падзей гісторыі Беларусі па прапанаваных прыкметах
Параўнанне адносін да напалеонаўскіх войскаў з боку розных пластоў насельніцтва Беларусі ў перыяд Айчыннай вайны 1812 г.
|
Прыкметы для параўнання |
Шляхта і магнаты |
Сяляне |
|
Адносіны да абяцанняў Напалеона |
|
|
|
Адносіны да баявых дзеянняў напалеонаўскіх войскаў |
|
|
|
Адносіны да палітыкі французскай адміністрацыі |
|
|
ЗАДАННЕ ДА 6-ГА БІЛЕТА
Суаднясенне падзеі ў гісторыі Беларусі з грамадска-гістарычным працэсам
Вызначэнне грамадска-гістарычнага працэсу, аб якім сведчыла ўзнікненне першых у Беларусі фабрык
ЗАДАННЕ ДА 7-ГА БІЛЕТА
Раскрыццё зместу гістарычных тэрмінаў
Раскрыццё зместу гістарычнага тэрміна “разбор” шляхты
ЗАДАННЕ ДА 8-ГА БІЛЕТА
Тлумачэнне прычынна-выніковых сувязей паміж гістарычнымі фактамі
Тлумачэнне прычынна-выніковай сувязі паміж паўстаннем 1863-1864 гг. і скасаваннем часоваабавязанага становішча сялян у беларускіх губернях
ЗАДАННЕ ДА 9-ГА БІЛЕТА
Характарыстыка дзейнасці гістарычнай асобы
Характарыстыка дзейнасці П.М.Машэрава
ЗАДАННЕ ДА 10-ГА БІЛЕТА
Параўнальная характарыстыка падзей гісторыі Беларусі па прапанаваных прыкметах
Параўнанне сацыяльна-эканамічнага развіцця Савецкай Беларусі і анексіраванай Польшчай Заходняй Беларусі ў 1920-1930-я гг.
ЗАДАННЕ ДА 11-ГА БІЛЕТА
Адлюстраванне падзей гісторыі Беларусі ў творах беларускай літаратуры
Характарыстыка гістарычнай тэматыкі ў вершы М. Багдановіча «Слуцкія ткачыхі»
Ад родных ніў, ад роднай хаты
У панскі двор дзеля красы
Яны, бяздольныя, узяты
Ткаць залатыя паясы.
I цягам доўгія часіны,
Дзявочыя забыўшы сны,
Свае шырокія тканіны
На лад персідскі ткуць яны.
...Цямнее край зубчаты бора...
I тчэ, забыўшыся, рука
Заміж персідскага узора
Цвяток радзімы васілька.
ЗАДАННЕ ДА 12-ГА БІЛЕТА
Аналіз зместу гістарычнага дакумента.
Вызначыць асаблівасці грамадска-палітычнага жыцця ў БССР цераз азнаямленне з вытрымкай з даклада першага сакратара ЦК КПБ П.М.Машэрава на пазачарговай дзявятай сесіі Вярхоўнага Савета БССР, прысвечанай вынікам усенароднага абмеркавання праекта Канстытуцыі (Асноўнага Закона) БССР у 1978 годзе.
«...Рабочыя і калгаснікі, інтэлігенцыя рэспублікі ўсе свае намеры і імкненні звязваюць з мудрасцю і дзейнасцю роднай Камуністычнай партыі, стваральнай сілай яе ўнутранай і знешняй палітыкі. Камуністы, увесь беларускі народ з асаблівым задавальненнем успрынялі становішча новай Канстытуцыі БССР аб тым, што "кіруючай і накіроўваючай сілай савецкага грамадства, ядром яго палітычнай сістэмы, дзяржаўных і грамадскіх арганізацый з'яўляецца Камуністычная партыя Савецкага Саюза"».
ЗАДАННЕ ДА 13-ГА БІЛЕТА
Характарыстыка ўклада дзеяча навукі (культуры) у яе развіццё
Характарыстыка творчасці Ф.Багушэвіча
ЗАДАННЕ ДА 14-ГА БІЛЕТА
Раскрыццё зместу гістарычных тэрмінаў
Раскрыццё зместу гістарычнага тэрміна “буферная дзяржава”
ЗАДАННЕ ДА 15-ГА БІЛЕТА
Суаднясенне падзей гісторыі Беларусі і сусветнай гісторыі
Суаднясенне працэсу ўз’яднання Заходняй Беларусі з БССР і знешнепалітычнай сітуацыі ў Еўропе ў канцы 1930-х гг.
ЗАДАННЕ ДА 16-ГА БІЛЕТА
Характарыстыка сацыяльна-эканамічнага (знешнепалітычнага) становішча Беларусі з апорай на гістарычную карту
Характарыстыка сацыяльна-эканамічнага развіцця Беларусі з апорай на карту “Развіццё сеткі чыгунак у Беларусі ў другой палове ХІХ – пачатку ХХ ст.”
ЗАДАННЕ ДА 17-ГА БІЛЕТА
Адлюстраванне падзей гісторыі Беларусі ў творах беларускага мастацтва.
Характарыстыка гістарычнай падзеі, якая адлюстравана на карціне В.Волкава “Мінск. 3 ліпеня 1944 года” і вызначэнне адносін мастака да гэтай падзеі.
ЗАДАННЕ ДА 18-ГА БІЛЕТА
Суаднясенне падзей гісторыі Беларусі з грамадска-гістарычным працэсам
Вызначэнне грамадска-палітычнага працэсу, аб якім сведчыла скліканне І Усебеларускага з’ез
ЗАДАННЕ ДА 19-ГА БІЛЕТА
Характарыстыка ўклада дзеяча навукі (культуры) у яе развіццё
Характарыстыка дзейнасці О.Ю.Шміта
ЗАДАННЕ ДА 20-ГА БІЛЕТА
Аналіз гістарычных фактаў на падставе статыстычных даных
Аналіз колькасных паказчыкаў, якія сведчаць аб пэўнай з’яве сацыяльна-эканамічнага развіцця ў БССР
Калі ў 1966 г. гарадскіх жыхароў налічвалася 3,3 млн чалавек (39 % ад агульнай колькасці насельніцтва БССР), то ў 1985 г. — 6,2 млн (62 %).
ЗАДАННЕ ДА 21-ГА БІЛЕТА
Адлюстраванне падзей гісторыі Беларусі ў творах беларускага мастацтва.
Характарыстыка гістарычнай тэматыкі ў карціне В.Ваньковіча “Міцкевіч на скале Аю-Даг”.
ЗАДАННЕ ДА 22-ГА БІЛЕТА
Параўнанне пунктаў гледжання на адзін і той жа гістарычныфакт
Параўнанне пунктаў гледжання на характар польска-савецкай вайны 1919—1920 гг.
- Меркаванне кіраўніка Польскай дзяржавы Ю. Пілсудскага:
«Унутраная рэвалюцыя ў нас не існавала... яе патрэбна было прынесці звонку на вастрыні штыкоў... Савецкая Расія вяла з намі вайну пад лозунгам навязвання нам, палякам, свайго, гэта значыць савецкага ладу, і такую мэту яна назвала “рэвалюцыяй звонку”. Ужо ў 1918 г., незалежна ні ад каго, я паставіў сабе за мэту... сарваць любыя спробы зноў навязаць нам чужое, не самімі палякамі ўладкаванае жыццё... У 1919 годзе гэту задачу выканаў».
- Меркаванне Галоўнакамандуючага войскамі Чырвонай Арміі на Заходнім фронце М. Тухачэўскага:
«Няма ніякага сумнення ў тым, што, калі б мы толькі вырвалі з рук польскай буржуазіі яе шляхецкую армію, то рэвалюцыя рабочага класа ў Польшчы стала б здзейсненым фактам. А гэты пажар не застаўся б абмежаваны польскімі рамкамі. Ён разнёсся б бурным патокам па ўсёй Заходняй Еўропе. I такі вопыт звонку Чырвоная Армія не забудзе».
ЗАДАННЕ ДА 23-ГА БІЛЕТА
Характарыстыка дзейнасці гістарычнай асобы
Характарыстыка дзейнасці Л.Сапегі
ЗАДАННЕ ДА 24-ГА БІЛЕТА
Тлумачэнне прычынна-выніковых сувязей паміж гістарычнымі фактамі
Раскрыццё прычынна-выніковай сувязі паміж спыненнем існавання СССР і пачаткам інтэграцыйнага працэсу паміж Рэспублікай Беларусь і краінамі Садружнасці Незалежных Дзяржаў
ЗАДАННЕ ДА 25-ГА БІЛЕТА
Аналіз гістарычных фактаў на падставе статыстычных даных
Аналіз колькасных даных Усерасійскага перапісу насельніцтва 1897 г. аб нацыянальным складзе насельніцтва беларускіх губерняў
Па нацыянальным складзе 65,6 % насельніцтва Беларусі з’яўляліся беларусамі, 14,6 % — яўрэямі, 6 % — рускімі, 5,2 % — палякамі, 4,6 % — украінцамі. Пры гэтым беларусаў сярод гарадскіх жыхароў было толькі 14,5 %. Удзельная вага яўрэйскага насельніцтва мястэчак дасягала 60—80 %.