Справаздача 2023/2024

21 сакавіка было праведзена мерапрыемства інфармацыйна-адукацыйнага праекта «ШАГ» – «Школа актыўнага грамадзяніна» – для вучняў 8-11 класаў па тэме "Радзіма мая Беларусь у асобах. Адданыя справе і краіне" (аб дзяржаўных дзеячах, прадстаўніках органаў дзяржаўнага кіравання). На сустрэчу быў запрошаны Скрабец Аркадзь Аркадзьевіч, старшыня Лядзецкага сельскага выканаўчага камітэта .       

  У час рэалізацыі ШАГа1 “Мы даведваемся” вучні 8-11 класаў прынялі ўдзел у інтэрактыўнай віктарыне , якая ўключала наступныя пытанні: дзяржаўная ўлада ў Рэспубліцы Беларусь, правы грамадзян, правы выбаршчыка, моладзевыя грамадскія аб'яднанні, праца Моладзевага парламента пры Нацыянальным Сходзе Рэспублікі Беларусь, моладзевая кадравая палітыка, праект «Школа кіравання» Акадэміі кіравання пры Прэзідэнце Рэспублікі Беларусь, актыўная грамадзянская пазіцыя, лідарства, ініцыятыўнасць, грамадзянская адказнасць.     

    На "ШАГ 2" вучні ўдзельнічалі ў дыялогу з Аркадзем Аркадзьевічам. Вучні даведаліся, што ўяўляе сабой працоўны дзень старшыні Валеўскага сельскага выканаўчага камітэта. Ці трэба цікавіцца пытаннямі палітычнага і эканамічнага жыцця краіны тым, хто не дасягнуў 18-гадовага ўзросту? Як у палітычным і эканамічным жыцці краіны можа ўдзельнічаць грамадзянін, які не дасягнуў выбарчага ўзросту? Дыялог паміж вучнямі і госцем адбыўся эмацыянальным. Дзеці з захапленнем слухалі і задавалі пытанні.

Аркадзь Аркадзьевіч як грамадзянін і патрыёт сваёй Радзімы параіў вучням захоўваць гістарычную памяць нашага народа, быць патрыётамі сваёй краіны.   У ходзе рэалізацыі ШАГа 3 "Мы дзейнічаем" вучні падвялі вынік сённяшняй размовы. Адказалі на наступныя пытанні: што значыць быць грамадзянінам сваёй краіны? Што неабходна, каб стаць сапраўдным грамадзянінам сваёй краіны? Што значыць мець грамадзянскую пазіцыю?

Кожны для сябе зрабіў пэўныя вывады і зразумеў, што павінен цікавіцца жыццём сваіх грамадзян і разумець, што ад актыўнай пазіцыі кожнага залежыць лёс краіны.

21 снежня 2023 года ў дзяржаўнай установе адукацыі “Арлоўская сярэдняя школа” прайшоў адзіны дзень інфармавання па тэме “Радзіма мая Беларусь у асобах. Захавальнікі прыгожага”. Госцем мерапрыемства стала Бондар Людміла Аляксандраўна, загадчык  сельскага дома культуры ў вёсцы В. Арлы. У рамках першага этапу вучні прынялі ўдзел ў інтэрактыўнай віктарыне “Мы даведаемся”, пазнаёміліся з гісторыка-культурнымі каштоўнасцямі беларускага народа, якія вызначаюць самабытнасць культуры беларусаў, духоўнымі гісторыка-культурнымі каштоўнасцямі і традыцыямі, якімі ганарыцца наш народ,  прадстаўнікамі культуры і мастацтва Рэспублікі Беларусь.

У рамках другога этапу “Мы разважаем” перад вучнямі выступіла госць дня інфармавання. Людміла Аляксандраўна адзначыла, што не толькі высокія ўзнагароды, званні і пасады сведчаць, што ўклад чалавека ў развіццё сваёй краіны варты высокай ацэнкі. Штодзённая карпатлівая добрасумленная праца, клопат пра блізкіх, актыўная грамадзянская пазіцыя, любоў да сваёй справы,  да сваёй Радзімы ўласціва грамадзянам нашай краіны.

У ходзе рэалізацыі этапу “Мы дзейнічаем” былі падведзены вынікі сустрэчы. Вучні  адзначылі, што тэма размовы вельмі актуальная, цікавая і блізкая ім. Наша краіна мае багатую гісторыка-культурную спадчыну, якая пастаянна папаўняецца. Беларуская зямля выгадавала вядомых прадстаўнікоў культуры і мастацтва. Усё гэта дае нам падставу ганарыцца сваёй краінай і імкнуцца рабіць яе багацейшай і мацнейшай.

Першая калыска, першая школа жыцця чалавека – гэта сям’я. У сістэме каштоўнасцей чалавека яна займае адну з лідзіруючых пазіцый. Прыярытэтам нашай дзяржавы з’яўляецца адраджэнне і развіццё каштоўнасцей сям’і.

У гэтым узросце вельмі важна выхоўваць у дзяцей любоў і павагу да бацькоў, паказваць ім важнасць прысутнасці блізкіх людзей ў жыцці кожнага чалавека.З гэтай мэтай у 5 класе ў рамках ШАГа быў праведзены адкрыты мікрафон "Мая сям'я - мой гонар". Цікавым было састаўленне генеалагічнага дрэва сям'і, а таксама генеалагічнага дрэва класа. З вялікім захапленнем дзеці ўносілі свае імёны і імёны настаўнікаў. Яны тлумачылі прыказкі і прымаўкі, адказвалі на пытанні, расказвалі пра традыцыі, сумесную работу з бацькамі, дзяліліся цікавымі момантамі  жыцця з усмешкай.

26 кастрычніка 2023 года адбылося мерапрыемства ў рамках інфармацыйна-адукацыйнага праекта "ШАГ" –  "Школа Актыўнага Грамадзяніна" для вучняў 8-11 класаў па тэме "Радзіма мая Беларусь у асобах". Сям'я – - пачатак усіх пачаткаў» (аб ролі бацькоў у стварэнні ўмоў для рознабаковага развіцця дзяцей, значэнні сям'і і сямейнага выхавання).

У рамках ШАГ 1 вучні актуалізавалі веды аб ролі сям'і ў жыцці чалавека, грамадства і дзяржавы з дапамогай інтэрактыўнай віктарыны “Мы даведаемся”. Дзякуючы прэзентацыі “Радзіма мая Беларусь. Сям'я – пачатак усіх пачаткаў» навучэнцы пазнаёміліся з людзьмі, паспяховымі не толькі ў прафесійнай дзейнасці, але і ў сямейным жыцці, у выхаванні дзяцей.

У рамках ШАГ 2 «Мы разважаем» сустрэча вучняў з Рудзько Надзеяй Уладзіміраўнай, работнікам Лядзецкага сельскага выканаўчага камітэта, прайшла ў фармаце тэлевізійнага праекта «100 пытанняў даросламу». Сустрэча прайшла ў фармаце актыўнага дыялогу. Надзея Уладзіміраўна, грунтуючыся на сваім вопыце, расказала, што сям'я –  гэта апора кожнага чалавека, а вялікая дружная сям'я з'яўляецца асновай прафесійнага і асобаснага росту. Жыццё шматдзетнай сям'і дыктуе пэўныя законы і прынцыпы выхавання, важны асабісты прыклад бацькоў, іх любоў да дзяцей. Моцную сям'ю аб'ядноўвае час, праведзены разам: занятак спортам, прагляд фільмаў, настольныя гульні. Надзея Уладзіміраўна падзялілася сваімі сакрэтамі сямейнага шчасця: узаемаразуменне, падтрымка, павага, давер, сямейныя традыцыі. Адзначыла важную ролю сям'і ў фарміраванні гарманічнай асобы. Падкрэсліла, што для яе сям'я –  гэта месца, дзе ўтульна і спакойна, дзе заўсёды зразумеюць і падтрымаюць, дапамогуць вырашыць праблемы і шчыра падзеляць радасць. Нарадзілася Надзея Уладзіміраўна ў шматдзетнай сям’і. Зараз яна выхоўвае траіх дзяцей.

У рамках ШАГ 3 "Мы дзейнічаем" пры падвядзенні вынікаў вучні разам з класнымі кіраўнікамі абмеркавалі актуальнасць тэмы адзінага дня інфармавання, падкрэсліўшы, што ў сям'і чалавек нараджаецца не толькі фізічна, але і духоўна. Менавіта ў сям'і адбываецца фарміраванне яго як грамадзяніна, закладваюцца такія якасці, як вернасць сваім ідэалам, сябрам і сваякам, адданасць сваёй Айчыне, любоў і вера, дабрыня і шчодрасць, адказнасць і ўзаемадапамога, паважлівыя адносіны не толькі да старэйшых, але і да ўсіх людзей . Гэтыя правілы, закладваючыся ў межах роднай хаты, пераносяцца затым і ў грамадства. Яны праяўляюцца ў паводзінах чалавека ў дзіцячым садку, школе, універсітэце, на працы і ў грамадскім месцы.